Пендаровски: Да се санкционира секој обид за профитирање на сметка на животната средина

Надлежните институции со години наназад немаат реален увид во квалитетот и квантитетот на водите. А без јасни податоци тешко е да се носат долгорочни одржливи политики и регулатива. Во ваква нејасна состојба, носењето одговорност е исклучок што го потврдува правилото дека прекршителите најчесто не се казнети. Во таков случај, цената ја плаќаат природата и ние, граѓаните, изјави претседателот Стево Пендаровски на конференцијата „Зелената агенда за Западен Балкан како поттик за заштита на водите во Северна Македонија“.