Сон што може да се оствари

Атлетите од Специјалната олимпијада Македонија ја поддржаа кампањата „Разбистри сè“! Тие преку танцување ја изразуваат нивната креативност, слобода, упорност и успех, но истовремено треба да бидат наша инспирација и да не натераат да се замислиме за уништувањето на водните ресурси во државата.

Ви ја пренесуваме приказната за еден сон и пораката дека сè што ќе замислиме може да се оствари. Нивниот успех на Светскиот шампионат во танц на Специјалната олимпијада оваа година во Австрија, на кој освоија два сребрени медала, е пример за остварување на еден сон.