57 проценти од граѓаните велат дека општините не ги информираат за тоа каква вода пијат. 94 проценти од испитаниците, пак, сметаат дека надлежните треба постојано да вршат надзор на површинските и подземните води. Ова се резултатите од анкетата која ја спроведе Институтот за комуникациски студии за заштита на водата и инспекцискиот надзор врз искористувањето на природните ресури.
42 проценти од граѓаните одговориле дека тие самите се најголеми загадувачи на водата. За 33 проценти од испитаниците, пак, главен виновник е преработувачка индустрија. само 10 отсто сметаат дека најмногу загадуваат рударските капацитети.
Анкетата е спроведена од 30 ноември до 6 декември минатата година врз 1100 испитаници постари од 18 години.
Веста е оригинално објавена на ТВ Сител.